اذاى تذاكر بتركيز فوقت قليل بفهم وبدون حفظ

اذاى تذاكر بتركيز فوقت قليل بفهم وبدون حفظ

اللى هقوله دلوقتى من واقع تجربتى وانا بذاكر ….

study smart

هنقول شوية قواعد ثابتة بالنسبالى هى اللى بتخلينى اعرف اذاكر وبسرعة شديدة جدا وبتركيز

اولا: البعد عن الطرق اللى بشتت التركيز وتخليك تمل بسرعة

              1)   المذاكرة بالورقة والقلم

هل المذاكرة بالورقة والقلم فعالة ام لا؟

دايما بنسمع اهلينا يقولوا ذاكروا بالورقة والقلم بس بصراحة انا لقيت ان المذاكرة بالورقة والقلم غير فعالة تماما …. ليه بقى؟

فى اسباب كتير لعدم فاعلية المذاكرة بالورقة والقلم منها

==> لما بتذاكر بالورقة والقلم بتضيع وقت طويل وتلاقى المنهج او المطلوب مذاكرته اخد وقت طويل وده بيخليك بتزهق بسرعة كبيرة وبتبقى مشعايز تذاكر او مشقادر تذاكر بنفس وكمان تركيزك بيقل بسرعة.

==> لما بتزهق بسرعة من الورقة والقلم وتلاقى الوقت بقى طويل بتلاقى نفسك بدات تقلق عشان هتحس ان الوقت بيجرى بسرعة وانت مشبتذاكر كتير يعنى مشبتلحق تنجز حاجة وهتلاقى بعد كدة من القلق مشمركز في المذاكرة.

==> غير السببين دول …. انك بمجرد مابتزهق بتسرح وهتبدا تفكر في حاجات ملهاش لازمة او مواقف حلوة عدت عليك وهتلاقى بعد كدة المذاكرة تحولت الى مجرد نقل الكلام اللى في الكتاب او المذكرة الى الورقة اللى بتسمع فيها من غير ما تحفظ حاجة مجرد بتنقل نقل وده طبعا تضيع وقت بدون فايدة ده غير انك بتلاقى نفسك مشفاكر اى حاجة خالص.

==> كمان المجهود الجسدى اللى بتبزله بالاضافة الى المجهود الذهنى يخليك تحس بالتعب بسرعة والمجهود الزهنى ضعف المجهود العضلى

تحس بالاسباب دى اكتر وقت ما يكون عليك امتحان وعايز تخلص  بسرعة

النتيجة النهائية للاسباب دى انك بتكون مشفاكر حاجة من اللى ذاكرته

            2) المذاكرة بصوت عالى:

هل المذاكرة بصوت عالى كويسة ولا لا؟

المذاكرة بالصوت العالى بتخليك تحس بصداع بعد وقت قصير ويبدا تركيزك يقل بسرعة ومن الصداع هتلاقى نفسك برضو مشقادر تكمل وزهقان وطبعا بعد كل ده هتلاقى نفسك مشفاكر اى حاجة خالص

طيب دلوقتى بتقول متذاكرش بصوت عالى او بالورقة والقلم

طيب الحل ايه

لما الطرقتين اللى نعرفهم من زمان هما السبب فالمذاكرة بدون تركيز

الحل فالعنوان الجاى

ثانيا: اتباع الطرق السريعة الاتية

               1)  ارسم صور للموضوع فى دماغك عشان تفتكره بسهولة

 يعنى ايه ارسم الموضوع فى دماغى؟؟؟!!!



مذاكرة اى موضوع تشبه رسم صورة فنية كاملة …. احنا بنلاقى فنان يرسم صورة نقول عليها حلوة وممكن نلاقى واحد راسم نفس الصورة ونقول عليها احلى من الصورة الاولى ليه؟؟؟ عشان الرسام التانى حط تفاصيل ادق واى صورة كل مانحط فيها تفاصيل اكتر كل ما بتبقى مجسمة وواضحة اكتر واكتر واكتر

برضو مشفاهم ايه علاقة ده بالمذاكرة؟؟؟؟

اقولك انا ….. لما بتجيى تذاكر موضوع لازم تربط كل المعلومات ببعض عشان تفهم فكرة الموضوع على بعضها او بمعنى تانى تقرا الموضوع بتسلسل وتحاول تتخيل صور موضحة للموضوع في دماغك عشان بعد كدة هتفتكر تستلسل الموضوع من خلال الصور اللى رسمتها

يعنى مثلا لما بتيجى تحضر فيلم على التلفزيون بتفتكر احداثه اذاى؟؟؟؟ اكيد من خلال لقطات المشاهد اللى اتعلقت في دماغك وبتفتكر منها الفلم

ممكن كمان تربط بعض الحاجات اللى بتذاكرها عن طريق صور يعنى هترسم ليها صورفي دماغك عشان دايما الذاكرة اللى بتكون معتمدة على الصور اسهل واقوى … كمان ممكن تحفظ صورة او شكل الصفحة في دماغك او حتى صورة لفقرة معينة عشان هتفتكرها بسهولة واحسن من ان تفضل تكرر فيها كتير

ده برضو نفس الفكرة اللى هتعملها وانت بتذاكر

         2)  تخيل انك بتشرح لحد او لواحد صاحبك:

افضل طريقة تفتكر بيها اللى بتذاكره وكمان تفهم اكتر انك تتخيل انك بتشرح لحد …. لانك لو بتشرح لحد حاجة هتبقى حريص انك تفهمه كل حاجة ومتبخلش عليه بحاجة

هتقولى طيب مانا لو هتخيل انى هشرح لحد لازم اتكلم بصوت عالى ….. هقولك لا برضو مشبصوت عالى لكن بصوت منخفض جدا كانك بتشوش حد وطبعا لو انت بتشرح لحد فعلا هتحرك ايدك عشان تخليه يتخيل … اعمل كدة برضه

       3)  اسال عن كل حاجة باشمعنى واذاى وليه؟

عشان تذاكر بفهم وبدون حفظ اى حاجة حتى وان كانت مادة حفظ … لازم تسال نفسك اشمعنى واذاى وليه

طيب يعنى ايه ….. يعنى مثلا ممكن تلاقى في كتابك وانت بتذاكر حد قال حاجة معينة … قدامك حاجة من ال2 ….. اما انك تحفظ وخلاص ده لو كنت من الناس اللى مبتحاولش تفهم كل حاجة ….. اما انك تسال هو قال كدة ليه ؟؟ واشمعنى قال كدة ومقالش كدة؟؟ واذاى هو هينفذ كلامه ده؟؟؟ وتحاول تجاوب على كل سؤال وهتلاقى نفسك بتفهم كل تفاصيل الموضوع وتبقى رسمت الصورة كاملة ذى ماقولنا.

وعشان تسال الاسئلة دى لنفسك لازم تتخيل انك بتشرح لحد … يعنى مثلا لو حد قالك عايزك تشرحلى الدرس الفلانى اوفى جزء مشفاهمه في المادة  هتقوله طيب انا هذاكره وبكرة اشرحهولك ولما بتروح البيت وتقعد تذاكره انت بتحاول تفهم فيه كل حاجة وهتتخيل الاسئلة اللى ممكن يسالهالك الشخص اللى هتشرحله وهتجهز نفسك لكل سؤال وده اللى بيعمله مدرس اى مادة انه يتخيل انه بيتعامل مع حد مشعارف حاجة خالص عن المادة اللى بيشرحها وبيحط نفسه مكان الطالب وبيسال نفسه كأن الطالب بيساله ويفضل يتخيل انه بيوضحله المادة والسؤال اذاى عشان يبقى محضر اجابته

انت بقى هتتخيل انك دكتور المادة وتقرا وتتخيل انك بتشرح لطالب وتسال نفسك كل الاسئلة المحتمل هو يسالهالك وتفضل توضحله في خيالك طبعا وبالطريقة دى هتوصل لانك تفهم تفاصيل كل حاجة بدقة وفوقت قصير.

         4)  هات من الاخر:

يعنى ايه هات من الاخر؟؟!!

بمعنى انه اغلب الكتب بتكون فيها كلام كتير ممكن يتوهك ويخلى فرصة وصولك للفكرة العايز يشرحهالك صعبة فانت لازم تعمل ايه؟؟؟….. تسال نفسك هو من الاخر كدة عايز يقولى ايه ويفهمنى ايه  فى الفقرة دى؟؟

هتلاقى نفسك بدات تدور على الفكرة اللى عايز يقولك عليها مشمجرد انك تقرا وانت مشقادر تفهم

الطرق المكتوبة دى من واقع تجربتى فالمذاكرة ….

ذاكرت مادة فى علم النبات وطبعا حفظ فى 3 ساعات قبل الامتحان ودى حقيقة وليست خيال

اقصى وقت اخدته اى مادة منى بالطرق دى من 6 الى 8 ساعات فيوم واحد

Comments

Facebook Comments

Leave a Reply