علاج بالجينات لمرض انيميا البحر الابيض المتوسط وانيميا خلايا الدم المنجلية

علاج جديد لانيما خلايا الدم المنجلية وانيميا البحر الابيض المتوسط بالجينات

مختصر الخبر:

  • العلماء اكتشفو علاج جينى لعلاج انيميا البحر الابيض المتوسط وانيميا خلايا الدم المنجلية وكمان عملو اختبار لتحديد هل المريض هيستجيب للعلاج ولا لا
  •  هذه الامراض تحدث نتيجة لعدم انتاج البيتا جلوبين (Beta-globin) اللى هو مركب اساسى فى الهيموجلوبين نتيجة حدوث طفرات فى الجين المسئول عن انتاج ال بيتا جلوبين (Beta-globin)  وده في حالة انيميا البحر الابيض المتوسط او لانتاج بيتا جلوبين  يكمية طبيعية ولكن البيتا جلوبين بيكون غير طبيعى في حالة انيميا خلايا الدم المنجلية
  • الفكرة الاساسية في العلاج الجينى هى ببساطة اضافة جين سليم نشط بامكانه انتاج البيتا جلوبين لل DNA في حالة انيميا البحر الابيض المتوسط او احلال جين البيتا جلوبين السليم محل اللى مشليم فى حالة انيميا خلايا الدم المنجلية
  • ده يحصل عن طريق ربط جين البيتا- جلوبين بحاجة اسمها عازل انكيرن (Ankyrin insulator) وحمل الجين بال انكيرن ده على فيروس من عائلة الlentivirus واللى ترجمتها الفيروسات البطيئة
  • وبعد كدة الفيروس ده بيدخل جين البيتا جلوبين في الDNA بتاع الخلايا الجزعية اللى في النخاع عشان تنتج بيتا جلوبين طبيعى وصحى اثناء انتاج البروتين من الDNA

ملحوظات:

ايه هو الankryin: هو بروتين مسئول عن ربط حاجة اسمها اسبكترين (spectrin) بالغشاؤ البلازمى لكرات الدم الحمراء

طيب ايه هو الspectrin: هو بروتين بيدخل في تركيب الجانب الداخلى من الغشاء البلازمى لانواع عديدة من الخلايا بحيث انه بيعمل تركيبات خماسية وسداسية بمعنى كانه بيعمل دعامة قوية للغشاء البلازمى (ذى ماشيفين في الصورة) بالتالى ده معناه انه بيحافظ على تركيب  الغشاء البلازمى

الخبر المفصل:

فريق من العلماء الباحثين فى كلية طب فى وايل كورنيل (Weill Cornell Medical College) اكتشفو طريقة علاج جينى اللى بيها يقدرو يعالجو كل من انيميا البحر الابيض المتوسط وانيميا خلايا الدم المنجلية وكمان عملو اختبار لتحديد هل المريض هيستجيب للعلاج ولا لا

نتائج الدراسات نشرت فى PLoS ONE وتمثل منهج جديد لعلاج الامراض الخطيرة والمرتبطة بامراض خلايا الدم الحمراء، ده اللى قاله الباحثين

“هذا العلاج الجينى لديه القدرة على علاج عديد من المرضى، وخصوصا لو تمكنا من عمل فحص اولى لهم لنتمكن من معرفة مدى استجابتهم للعلاج وهذا باستخدام قليل من خلايهم فى انبوبة اختبار” قال رئيس الباحثين ((دكتور ستافينو ريفيلا))، الاستاذ المشارك فى الطب الوراثى فى كلية الطب فى جامعة وايل كورنيل. هو قادَ فريق من 17 باحث فى 3 دول

دكتور ريفيلا قال هذه اول مرة الباحثين يكونو قادرين على الربط بين نتيجة نقل جين البيتا جلوبين الصحى الى الخلايا المصابة مع زيادة الكمبية الطبيعية من الهيموجلوبين —- وده كان العائق فى علاج فعال للامراض دى

مفيش غير مريض واحد فى فرنسا مصاب بانيميا البحر الابيض المتوسط هو اللى اتعالج بطريقة العلاج الجينى ودكتور ريفيلا وفريقه يعتقدون ان العلاج الجديد هيعمل تحسن ملحوظ….. مفيش مرضى انيميا خلايا الدم المنجلية اتعالجو بطريقة العلاج الجينى دى

منهج جديد للعلاج الجينى

انيميا البحر الابيض المتوسط مرض وراثى بيحصل نتيجة مشكلة فى الجين الى بينتج البيتا جلوبين …. الجين ده بينتج جزء اساسى فى تركيب الهيموجلوبين اللى هو بيكون موجود في كرات الدم الحمراء واللى بينقل الاكسجين المطلوب للحياة

طريقة نقل الجين الجديد التى صممت بواسطة دكتور ريفيلا وفريقه تضمن ان جين البيتا جلوبين اللى هيوصل للخلايا المصابة يكون نشط وقادر على انتاج البيتا جلوبين وكمان تنتج بيتا جلوبين معالج بكمية كبيرة….. “طالما ان المشكلة فى انيميا البحر الابيض المتوسط هى نقص البيتاجلوبين فى خلايا الدم الحمراء يبقى ده مفيد” قال دكتور ريفيلا

 يقصد طبعا ان نقل جين جديد للخلايا المصابة مفيد في حالة انيميا البحر الابيض المتوسط

الباحثين عملو الكلام ده اللى هو نقل الجين الجديد عن طريق ربط الankyrin insulator بجين البيتا جلوبين اللى هو اساسا محمول على ناقل فيروسى من عائلة الlentivirus واللى ترجمتها الفيروس البطئ…. اثناء نقل الجين، الناقل الفيروسى بيتم ادخاله فى خلايا جزعية من نخاع العظم اللى ماخوذة اساسا من المريض وبعد مايتم ادخال الناقل في الخلايا بنرجع الخلايا تانى للمريض عن طريق عملية زرع نخاع …. والخلايا الجزعية دى هتنتج بيتاجلوبين صحى وهيموجلوبين سليم



ال ankyrin insulatorليه دورين في العمليه دى …. الاول …. بيحمى عملية نقل الجين الجديد “فى تطبيقات طرق علاج جينيه عديدة، الجين المعالج يتم ادخاله فى خلايا المريض بصورة عشوائية” اوضح دكتور ريفيلا “الجين يدخل بصورة عشوائية فى الDNA الخاص بخلايا المريض ولكن اين يدخل الجين فى الDNA هذا هو المهم” … على سبيل المثال، بعض الجينات المستخدمة فى العلاج ممكن تدخل فى مناطق على الDNA بطبيعتها تخلى الجين المعالج اللى مدخلينه غير نشيط وميطلعش البروتين المطلوب. ” دور ال ankyrin insulator انه يخلق مناطق نشطة على الDNA التى عندها يكون الجين المعالج فعال ونشيط دون الاهتمام اين يدخل الجين المعالج على الDNA” دكتور ريفيلا يقول …. واضاف ان جزء صغير من العزل (ankyrin insulator) فى الناقل الفيروسى يمكنه منع ظهور اى اثار جانبية اللى ظهرت على المريض الفرنسى المصاب بانيميا البحر الابيض المتوسط

طبعا هو يا جماعة يقصد ان دور ال ankyrin insulator هو انه يخلى الجين الللى هيتزرع في الخلايا نشط في اى مكان يدخل فيه في الDNA حتى في المناطق اللى مفترض الجين الجديد يكون غير نشط فيها

فريق البحث ايضا اكتشف ان ال ankyrin insulator بيزود الكفاءة اللى بيها البيتا جلوبين بيتصنع  (يقصد انه بيزود كفاءة تصنيع البيتاجلوبين من الجين المزروع) “وجدنا ان الجين يدخل في الخلايا التى لم تبدا فى انتاج كرات الدم الحمرا، وعندما يبداو فى انتاج كرات الدم الحمرا يتم تنشيط جين البيتا جلوبين” دكتور ريفيلا يقول ” ولقد اوضحنا انه عندما يوجد ال ankyrin insulator تنشيط جين البيتا جلوبين المزروع يكون اكثر فاعليا وتنشيطا. وهذا ينتج بروتين مُعَالِج بكمية اكتر”

استمرار الدراسة ادت دليل جديد .. ان الناقل الفيروسى ليه فاعلية بنسب مختلفة على حسب نوع الطفرة اللى متسببة في انيميا البحر الابيض المتوسط اللى هو هيعالجها —– وده طبعا يمثل الاساس فى عمل تحليل للمرضى عشان نعرف مدى الاستجابة للعلاج…… الباحثين اختبرو 19 عينة مختلفة من مرضى انيميا البحر الابيض المتوسط وقارنوها باكتر نوعين شائعين من الانيميا دى فى المرضى وشافو فى حالة …. البيتا زيرو (beta-zero) … الخلايا فيه مشبتنتج اساسا اى بيتا جلوبين (وده بيخلى المريض اجبارا يتعمله نقل دم كل فترة طول حياته) …. والبيتا بلس (beta-plus) … الخلايا بتنتج بيتا جلوبين بس بنسة اقل من ادنى نسبة مطلوبة …. في المتوسط وجود ان نسخة واحدة من الجين اللى بينقلها الناقل الفيروسى فى خلايا الBeta-zero تنتج 55% من الهيموجلوبين الكامل التكوين اللى بنشوفه في الاشخاص الغير مرضى …. فى الBeta plus الخلايا بعد العلاج بتدى هيموجلوبن غير الهيموجلوبين الموجود فى الاشخاص الاصحاء.

“الطبيعة المتغيرة للطفرات المتسببة فى انيميا البحر الابيض المتوسط توضح ان بعض المرضى سيكونوا مرشح لهم ان يتم علاجهم بطريقة العلاج الجينى عن غيرهم ونجاح العلاج الجينى متوقف على قدرة الناقل الفيروسى لصنع الهيموجلوبين” قال دكتور ريفيلا. ” هذا ما نستطيع اختباره في القترة القادمة باستخدام قليل من دم المرضى اللى مشطبيعى نوعا ما”

هذا الموضوع بالنسبة لانيميا خلايا الدم المنجلية مختلف جدا، قال دكتور ريفيلا… الهيميوجلوبين بيكون موجود بكمية طبيعية ولكن بيكون غير سليم او غير طبيعى ….. خلايا الدم الحمراء بتكون واخدة شكل المنجل ولكن مشبتقوم بوظيفتها الطبيعية. ” احد مشكلات العلاج الجينى فى حالة انيميا خلايا الدم المنجلية اننا نضيف جين جديد بدون ما يحدث ذيادة فى الكمية الكلية بتاعة البيتا جلوبين السليم الناتج من الجين المزروع والبيتاجلوبين المشسليم. ذلك قد يحدث مشاكل اخرى” اضاف ذلك

عن طريق علاج 8 عينات من مرضى انيميا خلايا الدم المنجلية الباحثين اكتشفو ان ربط ال ankyrin insulator بجين البيتا جلوبين الطبيعى بيزود كمية البيتاجلوبين الطبيعى ويقلل البيتاجلوبين اللى مشطبيعى اللى بيعمل خلايا الدم المنجلية. ” الكمية الكلية للبروتين بتكون ثابتة وهذا هو المهم” قالت المؤلفة دكتورة لورا بريدا (Dr. Laura Breda) الباحثة المشاركة فى علم الاطفال في كلية طب ويل كورنيل.

الباحثين يقولون ان تقدمهم في الابحاث سوف يضيف تاثيرات جوهرية على مجالات اخرى منها التنظيم الجينى والنقل الجينى وتصميم طرق العلاج الجينى. “الدراسة تمثل خروج عن العمل المبزول فى مجالى العلاج الجينى” دكتور ريفيلا قال

الدراسة تم تمويلها من المؤسسة كولى لفقر الدم (Cooley’s Anemia Foundation [CAF]) ورابطة الفينتا لمحاربة مرض البحر الابيض المتوسط (ايطاليا) (the Veneta Association for the Fight Against Thalassemia (Italy))، مؤسسة كارول وميكول سكيجولا(the Carlo and Micol Schejola Foundation, the Children’s Cancer and Blood Foundation)، و مؤسسة سرطان الاطفال والدم (the Children’s Cancer and Blood Foundation)، و the Clinical and Translational Science Center و ومنحت من المعهد القومى للصحة (National Institutes of Health)

ScienceDaily (Mar. 27, 2012)

(0/5)0

Comments

Facebook Comments

Leave a Reply