اكتشاف كيف يتسبب الكحول فى احداث سرطان الثدى

اكتشاف كيفية تسبب الحكولات فى سرطان الثدى

:مختصر الخبر

  • الخلايا الطلائية (epithelial cells) فى الثدى تحتوى على انزيم يسمى CYP2E1 وده بيكسر الايثانول (ethanol) او الكحولات وينتج عن التكسير ده مركبات نشيطة جدا وغير مستقرة تسمى الشقوق الحرة (free radicals)

  • الشقوق الحرة دى تؤدى الى تنشيط عمليات حيوية فى الخلية تؤدى الى احداث ورم سرطانى

  • تم عمل تجربة تثبت ان الانثى اللى خلايا الثدى عندها تنتج ال CYP2E1 بكميات كبيرة يكون احتمال اصابتها بسرطان الثدى اعلى من الانثى اللى خلايا الثدى عندها بتنتج كميات قليلة من CYP2E1
  • الباحثون بيحاولو يطورو طريقة لمعرفة تركيز الانزيم ده فى خلايا الثدى وبالتالى هنعرف احتمالية اصابة الانثى بسرطان الثدى.

ملحوظات:

ماهو الى CYP2E1:

هو Cytochrome P450 2E1 وده من عائلة ال Cytochrome P450 وهى عبارة عن نظام اكسدة متعدد الوظائف وده بيدخل فاكسدة مركبات اسمها xenobiotics

الxenobiotics

دى عبارة عن اى مادة كيميائة لا تنتج بصورة طبيبعة ولا يتوقع وجودها في جسم الانسان وتشمل اى مواد بتكون موجودة فجسم الانسان بصورة ذيادة عن الطبيعى ذى الادوية والمخدرات والمضادات الحيوية والكحولات

ده يفسر برضو ان ال CYP2E1 مشبس لما يكسر الكحولات يعمل سرطان كمان لما يكسر اى حاجة غير طبيعية موجودة بكميات كبيرة.

────────────────────────────────────

الخبر المفصل:

فريق بحث بيقدم اكتشاف اللى اخيرا ممكن يوضح العلاقة بين شرب الكحولات وسرطان الثدى

“الخلايا لديها الطرق والآليات التى تزيل بها المواد السامة مثل الايثانول وهو الاسم الكيميائى للكحول والذى يمثل خطر كبير على الخلايا” شرحت ماريا دي لورديس رودريغيز فراغوسو استاذ علم العقاقير (الصيدلة يعنى) والسموم فى الجامعة المستقلة ديل استادو دي موريلوس في المكسيك “ولسوء الحظ هذه الآليات تنتج مواد سامة ومنها المواد السامة التى تسبب حدوث السرطان”

رودريغيز فراغوسو قدمت تقرير بعمل واكتشافات فريق عملها فى الاجتماع السنوى للجمعية الامريكية للكيمياء الحيوية والبيولوجيا الجزيئية (American Society for Biochemistry and Molecular Biology) الذي عقد بالتزامن مع مؤتمر البيولوجيا التجريبية فى سان ديجو فى 23 ابريل 2012

كان بيقولو استهلاك الكحول بيسبب سرطان الثدى ولكن مكانش فى اى دليل على ده لكن دلوقتى رودريغيز فراغوسو ومساعديها يعتقدو انهم عرفو الاجابة والدليل واللى هو بروتين يسمى CYP2E1

” نحن نعلم ان CYP2E1 يمكنه تكسير الايثانول وذلك ينتج مواد كيميائية غير مستقرة وعالية النشاط تسمى الشقوق الحرة (free radical) “ هى بتقول …. ومع العمل مع الباحث سكوت برتشيل (Scott Burchiel) ومجموعة عمله فى جامعة ميكسك الجديدة،فريق عمل رودريغيز فراغوسو وجدو سابقا ان الشقوق الحرة بتنشط اليات في الخلية تؤدى الى اورام سرطانية. “السؤال كان، هل اذا كان لديك كمية  اعلى من CYP2E1 سوف يجعلك اكثر عرضة للتسم الحادث نتيجة تناول الكحول وبالتالى يزيد الخطر من تعرضك للسرطان؟”

CYP2E1 وجد فى خلايا الثدى والتى تعرف بالخلايا الطلائية الثديية واللى السرطان بيحصل فيها باكبر نسبة ووجود ال CYP2E1 فى الخلايا اللى بيحصل فيها السرطان باكبر نسبة لفت نظر الباحثين ان ال CYP2E1 ممكن يكون ليه دور في حدوث سرطان الثدى…… وعشان يختبرو ويثبتو الافتراض ده الباحثين عملو تجربة اللى هى ايه … عملو مزراع (cultures) من الخلايا الطلائية دى وتختلف كمية ال CYP2E1 من مزرعة للتانية فى الخلايا الطلائية ووجدو الاتى:- الخلايا اللى فيها كمية قليلة من ال CYP2E1 الايثانول مبياثرش فيها لكن الخلايا اللى فيها كمية اكبر من ال CYP2E1 بتتاثر بدرجة كبيرة بالايثانول وده يؤدى الى اقتراح او استنتاج ان الايناث او السيدات اللى الخلايا الطلائية في الثدى عندها بتنتج كمية كبيرة من ال CYP2E1 هيكون معرضين لنفس الخطر من حدوث السرطان بسبب الكحول كما حدث في التجربة

أشارت رودريغيز فراغوسو بشكل ملحوظ وقالت “نتائجنا اوضحت ان الخلايا الطلائية المعالجة بالايثانول لديها انتاج كبير من الشقوق الحرة مع عدم القدرة على التخلص منها (oxidative stress) وتنشيط لاليات فى الخلايا التى تسبب ذيادة نسبة الشقوق الحرة وبالتالى لو انت امراءة تنتجى كميات كبيرة من ال CYP2E1 بصورة طبيعية وتشربى الكحول سوف تكونى معرضة لخطر الاصابة بمرض سرطان الثدى بدرجة اكبر من امراءة تنتج الخلايا الطلائية لديها كميات قليلة من ال CYP2E1 “

────────────────────────────────────────────

ملحوظات:

الOxidative stress هى عدم التوازن بين انتاج شقائق الاكسجين الحرة الضارة وبين قدرة الانظمة الحيوية فى الخلية لازالتها وتصليح الضرر الناتج منها

────────────────────────────────────────────



من شهور قليلة، مجموعة العمل بدات فى معرفة كمية ال CYP2E1 فى انسجة الثدى من امراءة سليمة واللى تعرضت الى زيادة وزن او زراعة خد اوعملية تجميل لتضخيم الثدى ……“النتائج الاولية اوضحت وجود اختلاف كبير فى كمية ال CYP2E1 فى العينات التى تم فحصها” قالت رودريغيز فراغوسو “هذا يعنى ان كل شخص يختلف فى الاستجابة او احتمالية حدوث الخطر نتيجة تناول الكحول وكل شخص لابد ان يأخد احتياطات مختلفة لتقليل خطر حدوث سرطان الثدى”

مع وجود النتائج المتاحة دى، رودريغيز فراغوسو اظهرت الثقة فى  ان مجموعة عملها ستكون قادرة على اكتشاف الطريقة اللى بيها يقدرو يحددو مستوى او تركيز ال CYP2E1 فى انسجة الثدى “لو علمت احتمالية حدوث سرطان نتيجة تصرفات معينة فى حياتك، سوف تعلم الاجراءات الوقائية التى يجب اتخاذها لتمنع حدوث هذا” اكلمت حديثها”

مركز السيطرة على الامراض والقاية منها قدرت ان سرطان الثدى سوف يتسبب فى موت 40 الف شخص هذا العام بالاضافة وأن 220 الف حالة سوف تصاب  بسرطان الثدى……. “لو تكون قادر على منع حدوث سرطان الثدى المصاحب لتناول الكحول عن طريق عمل فحص دورى لدلالات الاورام ك CYP2E1، فان أعداد الحالات الجديدة التى ستصاب بسرطان الثدى سنويا وأعداد الحالات التى سوف تموت بسببه سنويا ستقل تدريجيا” قالت رودريغيز فراغوسو

ScienceDaily (23/4/2012)

(0/5)0

Comments

Facebook Comments

Leave a Reply