الكافيين يعزز ويقوي ذاكرة المدى الطويل

الكافيين يعزز ويقوي ذاكرة المدى الطويل

coffee-istock-584

العديد من الدراسات اوضحت ان الكافيين لديه فوائد صحية عديدة… حاليا فيه دراسة بتوضح ان جرعة من الكافيين بعد محاضرة او درس تعليمي يساعد ويعزز ذاكرة المدى الطويل .. وهذا طبعا لدراسة نشرت في journal Nature Neuroscience.

—————————————————————————-


فريق البحث، اللى بيقوده Daniel Borota من جامعة جون هوبكن في بالتيمور، لاحظ انه بالرغم نت ان الابحاث السابقة حللت تاثير الكافيين كمنشط للذاكرة والتركيز الا ان تاثير الكافيين على ذاكرة المدى الطويل لم يتم دراستها بالتفصيل

وعشان يكتشفو ده الباحثون حللو تاثيرالكافيين على 160 شخص شاركو فالبحث .. تتراوح اعمارهم من 18 ل 30 سنة

في اول يوم للدراسة، جابو صور لبعض الاشياء وخلو المشاركين شافوهم وقالولهم قسموا الحاجات دى بتبقى فالاماكن الداخلية ولا الاماكن الخارجية

وبعد ما ما خلوهم يشوفو الصور، ادو لشوية من المشاركين 200 ملليجرام من الكافيين فصورة اقراص وشوية ادوهم اقراص وهمية مفهاش اى كافيين او اي حاجة خالص

تانى يوم، المشاركين شافو نفس الصور وشافو شوية صور جديدة برضو … الباحثون طلبو منهم انهم يقسمو الصور لصور جديدة وصور قديمة اوالصور اللى شافوها قبل كدة

200 ملليجرام كافيين تعزز وتدعم الذاكرة:-

ومن التجربة دى، الباحثون لقيو ان الناس اللى اخدو الكافيين كانو بيتعرفو على الصور المماثلة للى شافوها بصورة افضل من الناس اللى اخدو الاقراص الوهمية

ولكن الناس اللى اخدو الكافيين واللى اخدو الاقراص الوهمية .. هما ال2 قدروا يحددوا الصور القديمة من الجديدة

بحث جديد يقترح ان جرعة 200 مللي جرام من الكافيين يوميا تعزز وتدعم ذاكرة المدى الطويل

فريق البحث عمل تجارب استخدم فيها جرات من الكافيين 100 و300 مللي جرام ولقيو ان اداء التركيز والذاكرة بيكون افضل عند جرعة 200 مللي جرام مقارنة بال100 مللي جرام ولكن مفيش اى تحسن اضافي بعد جرعة اعلى من 300 مللي جرام مقارنة بال200 مللي جرام

” وهكذا، استنتجنا ان جرعة لا تقل عن 200 مللي جرام مطلوبة عشان نلاحظ تاثير الكافيين في تقوية الذاكرة والتركيز

وفريق البحث برضو لاحظ ان تاثير الكافيين ميحسنش حاجة لو المشاركيين اخدو الكافيين قبل ما يشوفو الصور بساعة عشان يتعرفو عليها

الباحثون قالو ان فيه احتمالات كتير تفسر تاثير الكافيين بي تحسين ذاكرة المدى الطويل

وعلى سبيل المثال، قالو ان الكافيين ممكن يكون بيوقف شغل جزئ اسمه adenosine فيمنعه من انه يوقف تاثير هرمون اسمه norepinephrine وده هرمون ليه تاثير ايجابى على الذاكرة والتركيز

واضحوا انه فيه ابحاث هتتعمل عشان يعرفو الميكانزيم والطريقة اللى بياثر بيها الكافيين على ذاكرة المدى الطويل

واضافوا

” نظرا لانتشار استخدام الكافيين والاهتمام المتزايد بتاثيره كمنشط للذاكرة وكحامي للاعصاب، فهذه المواضع ذات اهمية بالغة”

فوائد مهمة ومخاطر في استهلاك الكافيين

وطبقا لأخر الارقام من منظمة الFDA الامريكية، متوسط استهلاك الامريكيين 300 مللي جرام في اليوم…. والمصادر الرئيسية التي تحتوى على الكافيين هى القهوة والشاي والمشروبات الغير كحولية

معظم الدراسات بتقول ان الكافيين ليه فوائد صحية كتير… ولكن السنة الاخيرة دى انتشرت ابحاث توضح ان الكافيين يقلل من مخاطر الامراض الكبدية ووان شرب من 2 ل4 فناجين قهوة في اليوم يقلل خطر الانتحار

ولكن يوجد دراسة واحدة توضح ان الكافيين قد يغير اوقات الساعات البيولوجية للنوم

Written by Honor Whiteman

Comments

Facebook Comments

Leave a Reply