البكتريا اللى بتعيش فى الامعاء تلعب دور فالاصابة بالسكر

البكتريا التى تعيش فى الامعاء تلعب دورا هاما فى الاصابة بمرض السكر من النوع الثانى

عدد الناس اللى بتعانى من مرض السكر من النوع التانى اللى هو بيكون فيه الخلايا لا تستجيب للانسولين بيذيدو بسرعة فى العالم فى السنوات الاخيرة والعلماء قالو ان ممكن يكون فيه ناس بتعانى من المرض ده وهما مشدركين….. بحث جديد حاليا يوضح ان البكتريا اللى في الامعاء ممكن توضح هل انت تعانى من المرض ده ولا لا

“لقد استطعنا ان نوضح ان الاشخاص الذين يعانون من مرض الداء السكرى من النوع الثانى لديهم مستويات عالية من الكائنات الدقيقة فى الامعاء” قال البروفيسور جون وانج (Jun Wang) من قسم البيولوجى فى جامعة كوبنهاجن.

بكتريا مهمة فى الامعاء

يوجد فى الامعاء 1.5 كيلو جرام من البكتريا وليها تاثير على صحتنا. البكتريا بتعيش فى توزان دقيق بحيث انها تعيش من غير ماتعمل امراض ولكن لو التوازن ده حصله خلل صحتنا هتتأثر …. خلال دراسة جديدة، العلماء فحصوا البكتريا اللى بتعيش فى الامعاء فى 345 شخص من الصين منهم 171 شخص مصاب بداء السكرى من النوع الثانى….. فريق البحث بيحاول انه يتعرف على كواشف بيولوجية واضحة بحيث انهم يستخدموها في طريقة للكشف السريع والتشخيص المبكر لمرض السكري.

البحث، اللى اتنشر مؤخرا فى جريدة Nature العلمية، يوضح ان الاشخاص اللى مصابين بمرض السكر من النوع التانى بيكون عندهم بكتريا عدائية فى الامعاء بصورة اكبر من الاشخاص العاديين والبكتريا دى ممكن تزود المقاومة ضد انواع كتير من الادوية.

دراسات مماثلة اتعملت على الاشخاص اللى بيعانو من مرض السكر من النوع التانى فى الدنمارك اكتشفوا عدم توازن خطير بين وظيفة وتركيب البكتريا اللى فى الامعاء…… الدرسات الدنماركية المستقبلية سوف تختبر هل البكتريا فى الامعاء بتكون غير طبيبعة فى الناس اللى يعتبروا عرضة بدرجة كبيرة للاصابة بمرض السكر. 

“سنقوم بزرع البكتريا التى تعيش فى امعاء الاشخاص المصابين بمرض السكري من النوع الثانى فى فأر وسنفحص هل الفأر سيصاب بمرض السكر ام لا” … قال قائد اخر للعلماء المسئولين عن البحث، البورفيسور اولوف بورباى بيدرسن من جامعة كوبنهاجن.

فريق بحث دولى لبحث البكتريا التى تعيش فى الامعاء

فريق من العلماء فى جامعة كوبنهاجن فى معهد بكين للوارثة قدرو يوصلو لاكتشافات عديدة فى مجال الmetagenomics اللى هو العلم اللى بيهتم بدراسة جينات البكتريا والكائنات الدقيقة فى البيئة المحيطة

العلماء اللى بيشتغلو فى مشروع بحث MetaHIT الاوروبى قدرو يوصولو ل3.3 مليون جين فى البكتريا اللى بتعيش فى الامعاء فى الاشخاص اللى بيعيشوا في اسبانيا والدنمارك…. الجينات دى بتلعب دور مهم فى فهم وعلاج عديد من الامراض الخطيرة …. وطبقا لما قاله البروفيسور كارستن كاريستيانسن من جامعة كوبنهاجن فى قسم البيولوجى، الاكتشاف الجديد ده خطوة مهمة فى البحث الدولى الشامل اللى حاليا تحت البحث عشان نعرف التفاعل بين البكتريا اللى فى الامعاء والصحة

مشروع الMetaHIT اختصار الى  metagenomics  Health Intestial Tract

“الاوربيون والصينين الذين يعملون فى بحث الmetaHIT قدرو يوصلوا لاكتشافات مهمة جديدة عن العلاقة بين البكتريا اللى فى الامعاء والصحة.. والاكتشاف الجديد يوضح امكانية وجود علاقة بين مرض السكري من النوع الثانى والبكتريا اللى فى الامعاء فى الصينين” قال دكتور كريستيانسن

“من المهم اننا نشير الى ان اكتشافنا اوضح وجود علاقة… السؤال المهم هو هل التغيرات فى بكتريا الامعاء ممكن تؤثر على حدوث مرض السكر من النوع الثانى ولا لا او هل التغيرات ممكن ببساطة توضح ان المريض بيعانى من مرض السكر من النوع الثانى”

ScienceDaily (Sep. 26, 2012)



(0/5)0

Comments

Facebook Comments

Leave a Reply